【Asia’s 50 Best Bar 2022】香港最佳酒吧好去處 *附上Google香港8間全地圖
2023 50 Best Bar出爐之前，寫返一篇上年出爐已久香港名單，香港總共有8間入選，比2021年小咗一間。以下逐間簡介一下，希望各位喜歡雞尾酒嘅朋友可以為你地去之前，有個簡單理解。
睇到最後，有酒吧全地圖連結送上！
兩年第一位嘅COA，雞尾酒質素當然係有保證，同朋友都去過好幾次。不過印象中由開舖直至早兩星期再去，signature menu都係同一個，雖然小編就唔係成日都會去酒吧，如果追求新款式，可能要再期待一下，到底幾時會有新menu呢？當然首個signature menu確實係好出色，帶朋友去親都非常喜歡，由其係Ancho Highball 同埋 Basil Smash.
Argo bar, 位於Four Season香港著名老牌5星高級酒店嘅新酒吧，個Bar layout同decoration真係靚到不得了，去過三次，服務非常到位，由入客，到menu介紹，仲有落檯嘅snack，welcome drink（熊仔糖加sparkling wine真係好醒明，比你清清個口又得，打卡又得）個人覺得係好正嘅，雖然聽過一個朋友講，佢試過入去係「零service」，同小編去嘅差異實在太大，大家都係去親身感受下，有啲可惜由第一版signature menu到最近去嘅新menu，可能真係小編飲酒未到家，啲flavour combination唔係覺得好有力量，有杯係叉燒，應該話係素叉燒，個人口味...個人口味...係個人口味...真係surprise唔倒亦feel唔倒。當然基本功雪杯，透明大冰，調酒師功力現場present係好扎實，但個menu真係太深奧。可以一戰嘅都
又係酒店Bar，仲要係Rosewood！Darkside去過一次，環境裝修氣氛係正嘅，調酒師仲serve咗個話係隱藏menu，拉啲卡仔出嚟又有燈，無理解錯係用月球公轉做主題，都有趣嘅，最深刻反而係天花板，轉嚟轉去嗰啲波波，就咁比佢吸引咗，個人係幾喜歡呢間黑媽媽嘅酒吧。
Quinary就唔使講啦，長年保持佢哋獨有嘅風格，調酒師又夠有趣同你傾下偈，Earl Grey Caviar Martini之外，仲有好多有趣雞尾酒發掘，調酒大師Antonio將十周年新menu匯習埋其他年輕調酒師作品，當中有好幾杯小編都推介，不過飲得太開心，名都唔記得。一杯係有紅豆同綠茶味，另一杯就有煙燻同Campari咖啡，非常唔錯，仲有如果你想試Ramos Gin Fizz，佢哋係非常樂意shake嘅，哈哈
必去！係必去！可以二刷三刷四刷，唔講咁多佢哋背後技巧功力同環保理念，佢哋啲Cocktails用味道係一等一，嗰種搭配你飲落去真係taste倒幾個layer慢慢比你。呢個效果係好考功夫，當中包括溫度，稀釋，flavour combination嘅組合，仲有甜酸回甘Balance之外，好恰當運用咸香Savory同辛辣Spicy呢兩個點（有機會小編拍條片分享下）大部分作品對我嚟講係相當驚喜有趣，印象深刻嘅（都係唔記得名）一杯有蕃茄嘅組合，另一杯係蠔殼嘅。正嘢！
對不起，去過一次。小編唔識貨，唔識欣賞呢一個風格。
未正式去過，所以唔亂評價，有機會會去去見識下佢哋點爛玩。
想去未去，排得後唔一定唔好嘅，有機會都會去試試！
以下係2022年Asia's 50 Best Bar full list，而家飛得大家都可以睇下有咩心水丫！
2022亞洲50大最佳酒吧 香港8間全地圖
Comments